Մարմարա Ֆրանսայի Ընկերվարական կուսակցութեան նախագահ Մարթին Օպրի՝ անսալով Դաշնակցութեան խիստ պահանջին, գրաւով խոստում տուաւ հարցը առաջին իսկ առիթով ներառնել օրակարգի վրայ։ Ապա Ընկերվարական կուսակցութիւնը պաշտօնական դիմումով պահանջեց ատիկա։ 4 Մայիսին Ֆրանսայի Ծերակոյտը իր ընդհանուր նիստի օրակարգին վրայ քննարկման կէտ ներառաւ »ցեղասպանութեան« ժխտողականութեան դէմ օրինագիծը, որ 2006էն սառած կը մնայ Ծերակոյտին մէջ։ 12 Հոկտեմբեր 2006ին Ֆրանսայի խորհրդարանը իբրեւ օրէնք-որոշումը քուէարկած է այս հարցը եւ ըստ կանոնի զայն ուղարկած է Ծերակոյտ, որ իր կարգին պէտք է ընդունի, որմէ ետք միայն օրինագիծը կը վաւերացուի ու կը ստանայ օրէնքի ոյժ։ Բողոքի բազմաթիւ ցոյցերով Ֆրանսահայութիւնը Ծերակոյտէն պահանջած է քննարկութեան օրակարգի վրայ բերել այս հարցը եւ վերջ տալ ձգձգումին։ Վերջին ցոյցն ալ կատարուած էր 12 Մարտին։

---