«ԳԱԼԱ»-ի սարքավորումների մաքսազերծման կասեցման պատճառը
չմարուած հարկային պարտավորություններն են,- յայտարարում է
Պետեկամուտների կոմիտէն
08-04-2010 21:30:00 | Հայաստան | Տնտեսութիւն
ԵՐԵՎԱՆ, 8 ԱՊՐԻԼԻ, ՆՈՅԵԱՆ ՏԱՊԱՆ-ՀԱՅԵՐՆ ԱՅՍՕՐ: «Չափ» ՍՊԸ-ի
(ԳԱԼԱ հեռուստաընկերութիւն) կողմից ներկրուած
տեխնիկասարքավորումների մաքսազերծման առնչութեամբ մի շարք
լրատվամիջոցներում տարածուած այն տեղեկատուութիւնը, թէ մաքսազերծման
գործընթացն արհեստականօրէն եւ անհիմն է ձգձգւում, չի
համապատասխանում իրականութեանը: Այս մասին հաղորդագրութիւն է
տարածել Հայաստանի Պետական եկամուտների կոմիտէն. «Հարկ ենք
համարում տեղեկացնել, որ յիշեալ ընկերութեան կողմից ներկրուած
ապրանքի մաքսային ձեւակերպումների գործընթացը կասեցուել է, քանի որ
Գիւմրու ՏՀՏ-ի գրութեան համաձայն` ընկերութիւնն ունի 822 հազար
803 դրամի չմարուած հարկային պարտաւորութիւն: Կասեցման պատճառի
մասին Շիրակի տարաշրջանային մաքսատան պետ Կ. Մանուկեանը, օրէնքով
սահմանուած ժամկէտներում, տեղեկացրել է ընկերութեան ղեկավարութեանը: