Սուրբ Հռիփսիմեանց եկեղեցին վերաբացվել է պաշտամունքի համար
08-04-2010 15:31:00 | | Հասարակութիւն
ՍՏԱՄԲՈՒԼ, 8 ԱՊՐԻԼԻ, ՆՈՅԵԱՆ ՏԱՊԱՆ-ՀԱՅԵՐՆ ԱՅՍՕՐ: Մարտի 29-ին,
պաշտամունքի համար վերաբացվել է Բոսֆորի արեւմտյան ափին գտնուող
Սուրբ Հռիփսիմեանց եկեղեցին, որը փակուել էր վերանորոգման եւ
բարեկարգման պատճառով: Ինչպէս տեղեկացնում է «Լրաբերը», բացման
արարողութիւնը հանդիսապետել է Կրոնական ժողովի ատենապետ Արամ
արքեպիսկոպոս Աթեշյանը: Արարողութեանը մասնակցել են Թաթուլ
վարդապետ Անուշյանը, Եղիշե վարդապետ Ուչքունյանը, Զատիկ աբեղայ
Պապիկեանը եւ քահանա հայրեր:
Տաճարի առջեւ կատարուված դռնբացեքի արարողութիւնից յետոյ Արամ
Սրբազանը հաւատացեալների թափորի հետ մտել է եկեղեցի շարականներ
երգելով: Կանոնական աղօթքներից յետոյ օրհնուած ջրով ու գինով սրբված
աւագ սեղանը, խորհրդանոցը, մկրտութեան աւազանը եւ մատուռների
սեղանները օծվել են մեռօնով: