ԵՐԵՎԱՆ, 2 ԱՊՐԻԼԻ, ՆՈՅԵԱՆ ՏԱՊԱՆ: «Երեւան-Կենտրոն» քրէակատարողական հիմնարկի կալանաւոր, սպանութեան փորձ կատարելու համար Հիւսիսային քրէական դատարանի 2008թ.-ի դեկտեմբերի 29-ի դատավճռով 12 տարուայ ազատազրկման դատապարտուած Արշակ Աղաբաբեանի փախուստ կատարելու առթիւ Հայաստանի Յատուկ քննչական ծառայութիւնում (ՀՔԾ) յարուցուել է քրէական գործ` ՀՀ Քրէական օրէնսգրքի 315-րդ (պաշտօնական անփութութիւն) եւ 355-րդ յոդուածների 1-ին (Փախուստն ազատազրկման վայրից, կալանաւորուածներին պահելու վայրից կամ ձերբակալուածներին պահելու վայրից) մասերով: Ըստ ՀՔԾ-ի հաղորդագրութեան, Ա.Աղաբաբեանը, օգտվելով «Երեւան-Կենտրոն» ՔԿՀ-ի աշխատակիցների անփութությունից, փախուստի է դիմել` հիմնարկի տնտեսական պահեստի պատուհանի մետաղացանցը բացելու եւ պատուհանից դուրս գալու միջոցով:

---