ՎԱՇԻՆԳՏՈՆ, 17 ՓԵՏՐՈՒԱՐԻ, ՆՈՅԵԱՆ ՏԱՊԱՆ: 2010 թուականի սկզբին արդէն համաշխարհային ֆինանսական ճգնաժամը կարող է աւարտուել, եթէ կառավարութիւնները ձեռնարկեն դրա համար անհրաժեշտ քայլեր, սակայն նրանց անգործութեան դէպքում խնդիրները ձգձգուած բնոյթ կունենան: Այս մասին, ինչպէս հաղորդում է «Ռոյթերը», յայտարարել է Արժոյթի միջազգային հիմնադրամի (ԱՄՀ) ղեկավար Դոմինիկ Ստրոսս-Կանը: Ստրոսս-Կանը նախազգուշացրել է, որ ամէն դէպքում 2009 թուվականը հեշտ չի լինի: «Եթէ մենք անենք այն ամէնը, ինչ պէտք է, ճգնաժամը վերջ կգտնի 2010 թուականի սկզբին: Եթէ մենք չանենք այն ամէնը, ինչ պէտք է, այն կերկարաձգուի»,- ասել է Ստրոսս-Կանը:

---