ԵՐԵՎԱՆ, 10 ՓԵՏՐՈՒԱՐԻ, ՆՈՅԵԱՆ ՏԱՊԱՆ: Հայաստանի Մարդու իրաւունքների պաշտպան Արմէն Յարութիւնեյանը փետրուարի 10-ի յայտարարութեամբ իր մտահոգութիւնն է յայտնել Հանրային եւ մասնաւոր հեռուստաընկերությունների կողմից եթեր հեռարձակւող սերիալների եւ գովազդների որակի ու բովանդակութեան եւ յատկապէս ձեւաւորման փուլում գտնուող անչափահասների վրայ դրանց բացասական ազդեցութեան կապակցութեամբ: «Ակնյայտ է, որ վերջին ժամանակները հայաստանեան տարբեր հեռուստաալիքներ ցուցադրում են ցածրորակ սերիալներ, որոնք փողոցային ժարգոնով ու հայհոյանքներով են համեմված եւ գովազդում են յանցագործ աշխարհի օրենքներով ապրելը: Չի պահպանւում եթերի գրագիտութիւնը եւ բարոյականութիւնը: Մեր հասարակութիւնը, եւ յատկապէս նրա խոցելի խումբ հանդիսացող մեր երեխաները ստիպուած են այսօր դիտել գռեհիկ, ապադաստիարակչական հեռուստաարտադրանք, ցինիկ հեռուստագովազդներ»,- ասուած է յայտարարութիւնում: Ըստ Ա.Յարութիւնեանի, պակաս մտահոգիչ չէ, որ եթերում ցուցադրվում են նաեւ դաժան տեսարաններով եւ բռնութիւններով լի հեռուստաֆիլմեր, որոնք զուգորդվում են հոգեբանական տեռորով, արժանապատվության վրայ հիմնուած արժեհամակարգի խարխլումով: Այս ամէնը, ինչպէս նշում է Մարդու իրաւունքների պաշտպանը, բնականաբար ծանր հոգեբանական ազդեցութիւն է ունենում յատկապէս երեխաների վրայ, նրանց մէջ սերմանում ընկճուածութիւն, անելանելիության զգացողություն, անհանդուրժողականություն, ագրեսիւութիւն եւ այլ բացասական որակներ: «Փաստորեն, բարոյադաստիարակչական ազդեցութիւն ունենալու, մարդու իրաւունքները որպէս բարձրագոյն արժէք սերունդների մէջ արմատաւորելու փոխարէն, նմանատիպ ֆիլմերը, գովազդները ըստ էութեան հակառակ ազդեցութիւնն են ունենում: Չկենտրոնանալով որեւէ հետուստաընկերության վրայ, որպէս օրինակ ցանկանում եմ նշել մամուլում բազմիցս քննարկված «Որբերը» հեռուստասերիալը»,- ասուած է Ա.Յարութիւնեանի յայտարարութիւնում: ՀՀ Մարդու իրաւունքների պաշտպանը կոչ է անում բոլոր հեռուստաընկերություններին եւ նրանց գործունէութիւնը վերահսկող Հեռուստատեսութեան եւ ռադիոյի ազգային յանձնաժողովին միջոցներ ձեռնարկել իրավիճակը շտկելու ուղղութեամբ:

---