Ղրղզստանի կառավարութիւնը վերջնական որոշում է ընդունել
ԱՄՆ-ի ռազմակայանի փակման մասին
06-02-2009 18:57:00 | | Միջազգային
ԲԻՇՔԷԿ, 6 ՓԵՏՐՈՒԱՐԻ, ՆՈՅԵԱՆ ՏԱՊԱՆ: Ղրղզստանի կառավարութիւնը
վերջնական որոշում է ընդունել Մանասի ամերիկեան ռազմաօդային
յենակայանի փակման մասին:
Հինգշաբթի հաղորդուել էր, որ առայժմ այդ հարցի շուրջ դեռ
բանակցութիւններ են ընթանում ԱՄՆ-ի եւ Ղրղզստանի միջեւ, սակայն
այսօր առաւօտեան «Ռոյթերը» հաղորդեց Ղրղզստանի վերջնական որոշման
մասին:
«Որոշումն ընդունուել է: ԱՄՆ-ի դեսպանութիւնը եւ Ղրղզստանի
ԱԳՆ-ն կարծիքներ են փոխանակել այդ առթիւ, սակայն այլեւս ոչ մի
քննարկում չի կարող լինել»,- ասել է Ղրղզստանի կառավարութեան մամլոյ
քարտուղար Այբեկ Սուլթանղազիեւը: