Փհենյանը խզում է բոլոր համաձայնութիւնները Սեուլի հետ
30-01-2009 15:48:00 | | Միջազգային
ՓՀԵՆՅԱՆ, 30 ՅՈՒՆՎԱՐԻ, ՆՈՅԵԱՆ ՏԱՊԱՆ: ԿԺԴՀ իշխանութիւնները
մտադիր են միակողմանի կարգով հրաժարուել Հարաւային Կորեայի հետ
նախկինում ձեռք բերուած բոլոր քաղաքական եւ ռազմական
համաձայնութիւններից, հաղորդում է KCNA գործակալութիւնը:
«Նախ եւ առաջ, բոլոր այն համաձայնագրերը, որ վերաբերում են
Հիւսիսի եւ Հարաւի միջեւ քաղաքական եւ ռազմական առճակատումների
աւարտման հարցերին, չեղեալ կհայտարարուեն»,- նշւում է Կորեայի խաղաղ
միաւորման կոմիտէի յայտարարութեյան տեքստում:
«Երկրորդ, Հաշտութեան, չհարձակման, փոխանակումների եւ
համագործակցութեան մասին համաձայնագիրը, ինչպէս նաեւ Դեղին ծովում
ռազմական սահմանային գծի դիրքերը, որ նշանակուած են (համաձայնագրի)
յաւելուածում, չեղեալ կհայտարարուեն»,- ասւում է փաստաթղթում:
Իր հերթին, «Ֆրանսպրես» գործակալութիւնը, վկայակոչելով
տեղական լրատվամիջոցների կողմից մէջբերուող Կորեայի խաղաղ միաւորման
կոմիտէի ներկայացուցիչների յայտարարութիւնը, տեղեկատուութիւն է
տարածել, որ բացի ԿԺԴՀ եւ Կորեայի Հանրապետութեան միջեւ
համաձայնագրերի չեղեալ հայտարարման մասին տվյալներից, Կոմիտէն իր
յայտարարութեյան մէջ նաեւ պաշտօնական Սեուլին մեղադրել է Հարաւի եւ
Հիւսիսի յարաբերութիւնները «պատերազմի եզրին» հասցնելու մէջ: