ԱՄՆ-ում հայց է ներկայացուել ընդդէմ ԱՄՆ-ի պետքարտուղար Հիլարի
Քլինթոնի
30-01-2009 15:47:00 | ԱՄՆ | Միջազգային
ՎԱՇԻՆԳՏՈՆ, 30 ՅՈՒՆՎԱՐԻ, ՆՈՅԵԱՆ ՏԱՊԱՆ: ԱՄՆ-ում հայց է
ներկայացուել դատարան ընդդէմ ԱՄՆ-ի պետքարտուղար Հիլարի Քլինթոնի:
Հայցատուները` պետդեպարտամենտի աշխատակից Դեյվիդ Ռոուդարմելը
եւ Judicial Watch իրաւապաշտպանական կազմակերպութիւնը, որ
ներկայացնում է նրա շահերը, պահանջում են ոչ սահմանադրական ճանաչել
Քլինթոնի նշանակումը ԱՄՆ-ի բարձրագոյն դիւանագիտական պաշտօնում:
Հազիւ թէ դա կարող է խանգարել Քլինթոնին մնալու
պետդեպարտամենտի ղեկավար, սակայն այդ գործը ակներեւաբար չի
աւելացնի նրա ժողովրդականությունը, քանի որ հայցը սահմանադրական
հիմքեր ունի:
Խնդրի էութիւնն այն է, որ մինչեւ իր նշանակումը Քլինթոնը
սենատոր է եղել: Մինչդեռ, ըստ Սահմանադրութեան, ոչ մի օրէնսդիր «չի
կարող Միացեալ Նահանգներին ի ծառայութիւն որեւէ քաղաքացիական
պաշտօնում նշանակուել այն ժամանակաընթացքում, որի համար նա ընտրուել
է, եթէ... դրա հետ կապուած ռոճիկը մեծացուել է նշուած
ժամանակամիջոցում»: Կոնգրեսի վերին պալատում Քլինթոնի աշխատանքի
ժամանակ, հայցադիմումի համաձայն, կաբինետի անդամների դրոյքները
երեք անգամ բարձրացուել են: