ՎԱՇԻՆԳՏՈՆ, 23 ՅՈՒՆՎԱՐԻ, ՆՈՅԵԱՆ ՏԱՊԱՆ: Սպիտակ տանն անցկացրած առաջին գիշերուայ ընթացքում ԱՄՆ-ի նախագահ Բարակ Օբաման, որ դեռեւս այնքան լաւ չգիտի իր նստավայրը, չի կարողացել հասկանալ, թէ որտեղ է գտնւում, եւ «ստիպուած է եղել հարցնել ինչ-որ մէկին, թէ ուր պէտք է ինքը գնայ»: Այս մասին ասել է ԱՄՆ-ի նախագահի ներկայացուցիչ Ռոբերտ Գիբսը: Այդուամենայնիւ, Գիբսը նշել է, որ Օբաման գոհ է, որ այժմ ապրում է Սպիտակ տանը, եւ զգում է իրեն այնտեղ միանգամայն յարմարաւետ:

---