Հայաստանում Եւրոպական շարժման նախագահ, ԲՀԿ նախագահի խորհրդական Վիկտոր Ենգիբարեանն ընդգրկուել է Եւրոպական Միութեան արտաքին յարաբերութիւնների էլեկտրօնային ամսագրի խմբագրական խորհրդի կազմում։ Ամսագիրը լոյս է տեսնում եռամսեակային կտրուածքով անգլերէն լեզուով եւ լուսաբանում է Եւրոպական հարեւանութեան քաղաքականութեան, ԵՄ արտաքին հարցերի, անվտանգութեան քաղաքականութեան եւ զարգացման, ինչպէս նաեւ ԵՄ եւ երրորդ երկրների միջեւ յարաբերութիւնների եւ աշխարհում տարածաշրջանային ինտէգրման հարցերը։

---