2008թ.-ին Երեւանի պոլիկլինիկաներ բնակչութեան
այցելութիւնների թիւը 8,6%-ով աճել է
12-01-2009 19:00:00 | Հայաստան | Հասարակութիւն
ԵՐԵՎԱՆ, 12 ՅՈՒՆՎԱՐԻ, ՆՈՅԵԱՆ ՏԱՊԱՆ: 2008թ.-ին Երեւանի
պոլիկլինիկաներ բնակչութեան այցելություների թիւը կազմել է 2 մլն
93 հազար, ինչը նախորդ տարուայ նոյն ժամանակահատուածի համեմատ
8,6%-ով աւելին է: Այս մասին յունվարի 12-ի ասուլիսում յայտնեց
Երեւանի քաղաքապետարանի Առողջապահութեան եւ սոցիալական
ապահովութեան վարչութեան պետ Արմէն Սողոյանը:
Նրա խօսքերով, 2007թ.-ի համեմատ այցելութիւնների թիւը
ընտանեկան բժիշկների, տեղամասային թերապեւտների եւ մանկաբույժների
մօտ աճել է 7%-ով, նեղ մասնագէտների մօտ` 10,5%-ով: Նոյն
ժամանակահատուածում 14%-ով աճել է լաբորատոր գործիքային
հետազօտութիւնների թիւը: Ա.Սողոյանը նշեց նաեւ, որ 2008թ.-ին 151
116 քաղաքացիների տրամադրվել է անվճար դեղորայք, ինչը նախորդ տարուայ
համեմատ աւելի է 14,2%-ով:
2008թ.-ին քաղաքապետարանի ենթակայության տակ գտնուող
կլինիկաներում բուժսպասարկում է ստացել 39 911 քաղաքացի, ինչը
նախորդ տարուայ նոյն ժամանակահատուածի համեմատ 25,2%-ով աւելի է:
Ա.Սողոյանի խօսքերով, 9%-ով աւելացել են շտապօգնութեան ծառայութեան
կանչերը, սակայն 13%-ով նուազել են ինֆեկցիոն հիւանդութիւնների հետ
կապուած կանչերի թիւը:
Նշուեց նաեւ, որ 2008թ.-ին Երեւանի 10 ծննդատներում ծնուել է 16
994 երեխայ, ինչը նախորդ տարուայ համեմատ 8,9%-ով աւելի է: Ա.Սողոյանը
յայտնեց, որ յուլիսի 1-ից մինչեւ դեկտեմբերի 31-ը անվճար
ծննդօգնութեան պետական հաւաստագիր են ստացել 7700 հղի կանայք:
Վարչութեան պետը տեղեկացրեց, որ ամբողջութեամբ աւարտուել են
Համաշխարհային բանկի միջոցներով Երեւանի Սբ.Գրիգոր Լուսաւորիչ եւ
Սբ.Աստուածամայր բժշկական կենտրոնների վերանորոգման աշխատանքները:
Գր.Լուսաւորիչ կենտրոնում իրականացուել են 1 մլն 110 հազ. ԱՄՆ
դոլարի շինաշխատանքներ, տեղադրուել 1 մլն 632 հազ. դոլարի
ժամանակակից բժշկական սարքաւորումներ: Իսկ Սբ.Աստուածամայր բժշկական
կենտրոնում կատարուել են 743 հազար դոլարի շինաշխատանքներ,
տեղադրուել` 1,9 մլն դոլարի սարքաւորումներ:
Անդրադառնալով 2009թ.-ին կատարուէլիք աշխատանքներին,
Ա.Սողոյանը յայտնեց, որ այս տարի նախատեսւում է «Շտապ օգնութիւն»
ՓԲԸ-ի աւտոպարկը համալրել նոր մեքենաներով, ժամանակակից
սարքավորումներով եւ կապի համակարգով: Նշուեց նաեւ, որ այս տարի մեծ
ուշադրութիւն է դարձվելու հիմնական մահացութեան պատճառ հանդիսացող
սրտանօթային, արեան շրջանառութեան համակարգի,
նորագոյացությունների, շնչառական եւ մարսողական հիւանդութիւնների
վաղ հայտնաբերմանն ու բուժմանը: