ԵՐԵՎԱՆ, 25 ԴԵԿՏԵՄԲԵՐԻ, ՆՈՅԵԱՆ ՏԱՊԱՆ: Հայաստանի քաղաքացիների կողմից Եվրոդատարան ներկայացուած դիմումների մեծամասնութիւնը վերաբերում է խաղաղ ցույցերն ու այլ զանգվածային միջոցառումները ապօրինի ցրելու եւ ցուցարարների իրաւունքները ոտնահարելու դէպքերին: Այս մասին դեկտեմբերի 25-ի ասուլիսում յայտնեց Եվրոդատարանում ՀՀ-ն ներկայացնող դատաւոր Ալվինա Գիւլումեանը: Նրա խօսքերով, այդ դիմումները Եվրոդատարան են ուղարկուել դեռեւս 2003-2004թթ.-ին` հետընտրական զարգացումների արդիւնքում: Բաւարարուած դիմումներից մէկը «Աշուղյանն ընդդէմ ՀՀ-ի» հայցն է եղել, որի քննարկման ժամանակ դատարանը գտել է, որ դրօշի ծայրով այլ քաղաքացուն հրելը, ինչի մէջ մեղադրւում էր Աշուղեանը, բաւարար հիմք չէ նրան վարչական կալանքի ենթարկելու համար: 2008թ.-ի ներքաղաքական իրադարձութիւնների առնչութեամբ ստացուած դիմումների թիւն ու կոնկրետ բովանդակութիւնը Ա.Գիւլումեանը դժուարացաւ յայտնել, նշելով, որ դեռ վաղ է դրանց մասին խօսել: Ա.Գիւլումեանը յաւելեց, որ «Ա1+» հեռուստաընկերութեան դիմումը բաւարարելիս դատարանը գտել է, որ Հայաստանի պետական մարմինները «Ա1+»-ի վերաբերեալ պատճառաբանուած որոշումներ չեն կայացրել: Իսկ «Նոյեան տապան» հեռուստաընկերութեան դիմումի կապակցութեամբ, ըստ դատաւորի, Եվրոդատարանը եկել է այն եզրակացութեան, որ այդ ընկերութեան նկատմամբ խախտումը տեղի է ունեցել նախքան Հայաստանի կողմից Եվրոխորհրդի առջեւ պարտաւորութիւններ ստանձնելը: Ա.Գիւլումեանը յայտնեց, որ մօտ 600 դիմում Եվրոդատարանը ստացել է Ղարաբաղի ազատագրուած տարածքներից տարհանված ադրբեջանցիներից, որոնք համարում են, որ հայերը ոտնահարել են իրենց հիմնարար իրաւունքները: Դիմումներ կան նաեւ Արծվաշենից եւ Բաքուից տարհանված հայերի կողմից, որոնց թիւը դատաւորը չնշեց:

---