Վերջին շրջանում զգալիօրէն ակտիւացել է հայ-բրիտանական քաղաքական երկխօսութիւնը
11-04-2011 19:03:37 | Հայաստան | Քաղաքական
Ապրիլի 11-ին Հայաստանի արտգործնախարար Էդուարդ Նալբանդեանը ընդունեց հանդիպեց Հարաւային Կովկասում Մեծ Բրիտանիայի յատուկ ներկայացուցիչ Բրայեան Ֆոլին (Brian Fall):
Հանդիպմանը երկուստէք նշուեց, որ վերջին շրջանում զգալիօրէն ակտիւացել է երկու երկրների միջեւ քաղաքական երկխօսութիւնը, որը նախադրեալներ է ստեղծում յարաբերութիւնների առաւել ամրապնդման համար:
Զրուցակիցներն անդրադարձան երկու երկրների իրաւապայմանագրային դաշտի ընդլայնման, առեւտրատնտեսական համագործակցութեան խթանման նպատակով ձեռնարկուելիք քայլերին:
Էդուարդ Նալբանդեանն ու Բրայեան Ֆոլը հանգամանալից քննարկեցին մի շարք միջազգային հարցեր, Հարաւային Կովկասի տարածաշրջանային խնդիրները եւ զարգացումները, մասնաւորապէս ղարաբաղեան հիմնախնդրի խաղաղ կարգաւորման ներկայ փուլիը: Այս ենթատեքստում` երկուստէք վերահաստատուեց, որ ղարաբաղեան հիմնախնդիրի խաղաղ լուծումն այլընեւրանք չունի: