Իտալական «Միլանի» կիսապաշտպան Կլարենս Զէեդորֆը, Goal պարբերականին տուած հարցազրոյցում յայտարարել է, որ դեռ չի կողմնորոշուել իր ապագայի հարցում: Ի դէպ, հոլանդացին գոլի հեղինակ է դարձել «Ֆիօրենտինայի» հետ կայացած հանդիպման ժամանակ, որն աւարտուել է միլանեան ակումբի 2-1 հաշուով յաղթանակով: -Ես շատ ասեկօսէներ եմ լսում իմ այստեղ կամ այնտեղ տեղափոխուելու վերաբերեալ: Ճիշտ է ես շատ առաջարկներ եմ ստացել տարբեր եւրոպական եւ բրազիլական ակումբներից, սակայն ապագայիս հարցում կը կողմնորոշուեմ միայն «Միլանի» կողմից առաջարկ չստանալու դէպքում: Ամէն դէպքում իմ մտքերը հիմա միայն «Միլանի» եւ սկուդէտօն նուաճելու հետ են կապուած, - նշել է Զէեդորֆը: Յիշեցնենք, որ 35-ամեայ լեգենդար ֆուտբոլիստի պայմանագրի ժամկէտն աւարտուելու է այս տարուայ ամռանը:

---