«ՄԱՊ»-Ի ԱՐՏԱԴՐԱՆՔԻ ԻՐԱՑՄԱՆ ԾԱՒԱԼՆԵՐԸ ՏԵՂԱԿԱՆ ՇՈՒԿԱՅՈՒՄ
ՏԱՐԵԿԱՆ ԱՃՈՒՄ ԵՆ 20%-ՈՎ, ԻՍԿ ԱՐՏԱՀԱՆՄԱՆ ԾԱՒԱԼՆԵՐԸ` 50-60%-ՈՎ
19-11-2008 20:00:00 | Հայաստան | Տնտեսութիւն
ԵՐԵՎԱՆ, 19 ՆՈՅԵՄԲԵՐԻ, ՆՈՅԵԱՆ ՏԱՊԱՆ: Տարեսկզբից Արմաւիրի
«ՄԱՊ» ընկերութիւնն արտադրել է 3,5 մլն շիշ կոնիակ եւ 1 մլն շիշ
գինի: Ինչպէս «ՆՈՅԵԱՆ ՏԱՊԱՆ»-ի թղթակցին յայտնեց ընկերութեան
գործադիր տնօրէն Մակար Պետրոսեանը, այս տարի «ՄԱՊ»-ի արտադրանքի
80%-ը արտահանուել է մէկ տասնեակից աւելի երկրներ, հիմնականում`
Ռուսաստան:
Ըստ Մ.Պետրոսեանի, թէեւ «ՄԱՊ»-ի կոնյակները տեղական շուկայում
ունեն ամենաբարձր գինը` 3-ից մինչեւ 500 հազար դրամ (մօտ 10-1650
ԱՄՆ դոլար), տարէցտարի ինչպէս տեղական, այնպէս էլ միջազգային
շուկայում աճում է իրենց արտադրութեան կոնյակների պահանջարկը: Նա
նշեց նաեւ, որ «ՄԱՊ»-ի գինիների եւ կոնյակների իրացման ծաւալները
տեղական շուկայում ամէն տարի աւելանում են 20%-ով, իսկ արտահանման
ծաւալները` 50-60%-ով:
Այս տարի ընկերութիւնը գյուղտնտեսություններից մթերել է 12
հազար տոննա խաղող, ինչը նախորդ տարուայ համեմատ 10%-ով աւելի է:
Ներկայումս «ՄԱՊ»-ն արտադրում է 21 անուն գինիներ` այդ թւում
«Տիգրանի», «Սափերավի», «Ներկենի», ինչպէս նաեւ 3-40 տարուայ հնեցման
10 անուն կոնյակներ` «Արամէ», «Մաշտոց», «Պարոյր Սեւակ», «Մակար»
եւ այլն: Բացի այդ, «ՄԱՊ»-ը զբաղւում է նաեւ պահածոների
արտադրութեամբ, որոնք հիմնականում իրացւում են ներքին շուկայում: