ՀՀ ՏՆՏՄՐՑԱԿՑՈՒԹՅԱՆ ՊԱՇՏՊԱՆՈՒԹԵԱՆ ՊԵՏԱԿԱՆ ՅԱՆՁՆԱԺՈՂՈՎԸ
ԹՈՒՅԼԱՏՐԵՑ ՎԶԵԲ-Ի ԵՎ «ԱՐԱՐԱՏԲԱՆԿ»-Ի ՀԱՄԱԿԵՆՏՐՈՆԱՑՈՒՄԸ
18-11-2008 23:00:00 | Հայաստան | Տնտեսութիւն
ԵՐԵՎԱՆ, 18 ՆՈՅԵՄԲԵՐԻ, ՆՈՅԵԱՆ ՏԱՊԱՆ: ՀՀ Տնտեսական
մրցակցութեան պաշտպանութեան պետական յանձնաժողովի նոյեմբերի 18-ի
արտահերթ նիստում քննարկուել է Վերակառուցման եւ զարգացման
եւրոպական բանկի (ՎԶԵԲ) եւ «Արարատբանկ»-ի համակենտրոնացման
վերաբերեալ հարցը:
ՎԶԵԲ-ը դիմել էր Յանձնաժողով, յայտնելով, որ պատրաստւում է
գնել «Արարատբանկ»-ի նոր թողարկված հասարակ անուանական
բաժնետոմսերը, որոնք կազմելու են բանկի կանոնադրական կապիտալի 25
տոկոսը` գումարած մէկ բաժնետոմս: Ներկայացուել է նաեւ
ընկերութիւնների համակենտրոնացման յայտարարագիրը:
Դիմումի հիման վրայ Յանձնաժողովի կողմից յարուցուած վարչական
վարոյթի արդիւնքում Յանձնաժողովը եզրակացրել է, ընկերութիւնների
համակենտրոնացումն արգելելու հիմքեր չկան, եւ թույլատրել է
համակենտրոնացումը: