ՀԱՅԱՍՏԱՆԻ ՎԱՐՉԱՊԵՏԸ ՉԻ ՏԵՍՆՈՒՄ ՖԻՆԱՆՍԱԿԱՆ ՃԳՆԱԺԱՄԻ ՎՏԱՆԳ
22-10-2008 23:00:00 | Հայաստան | Տնտեսութիւն
ԵՐԵՎԱՆ, 22 ՀՈԿՏԵՄԲԵՐԻ, ՆՈՅԵԱՆ ՏԱՊԱՆ: Միջազգային ֆինանսական
ճգնաժամի հիմնական պատճառը ֆինանսական շուկայի մասնակիցների
փոխադարձ անվստահութիւնն է եւ բացասական զարգացումների
սպասումները: Հոկտեմբերի 22-ին Ազգային Ժողովում պատասխանելով
պատգամաւորների հարցին այս մասին նշեց ՀՀ վարչապետ Տիգրան
Սարգսեանը: Անդրադառնալով Հայաստանի վրայ ճգնաժամի հնարաւոր
ազդեցութեանը, վարչապետը յայտնեց, որ երկրում նման նշաններ դեռեւս
չկան: Տ.Սարգսեանը չհամաձայնեց ոսկու պաշարներ ստեղծելու
առաջարկին, նշելով, որ Հայաստանի տնտեսութիւնը դեռ այդքան չի
աճել, որպէսզի երկիրը կարողանայ իրեն թոյլ տալ ոսկու տեսքով
հարստություն կուտակել: