ԵՐԵՎԱՆ, 9 ՍԵՊՏԵՄԲԵՐԻ, ՆՈՅԵԱՆ ՏԱՊԱՆ: Սեպտեմբեր 8-ին Իսպանիա մեկնեց Հայաստանի ֆուտբոլի ազգային հաւաքականը: Թիմի գլխվոր մարզիչ Յան Պոուլսենը մրցավար է ուղեկցել 20 ֆուտբոլիստի: Աշխարհի 2010թ.-ի առաջնութեան ընտրական փուլի խմբային մրցաշարի ծրագրով Իսպանիա-Հայաստան հանդիպումը տեղի կունենայ սեպտեմբերի 10-ին Ալբասետե քաղաքում: Հանդիպման ուղիղ հեռարձակումը Հայաստանի Հանրային հեռուստատեսութիւնը կսկսի ցուցադրել Երեւանի ժամանակով գիշերուայ ժամը 1-ին: Իսկ սեպեմբերի 9-ին Ստամբուլում տեղի կունենայ մինչեւ 21 տարեկան ֆուտբոլիստների Եւրոպայի 2009թ.-ի առաջնութեան ընտրական փուլի խմբային մրցաշարի Թուրքիա-Հայաստան հանդիպումը: Խաղը ուղիղ հեռարձակմամբ Հայաստանի Հանրային հեռուստատեսութիւնը կսկսի ցուցադրել ժամը 22-ին: Մրցաշարային աղիւսակը 16 միաւորով գլխաւորում են Թուրքիայի ֆուտբոլիստները: Հայաստանի երիտասարդականը 10 միաւորով 4-րդ տեղում է:

---