ՀՀ Տնտեսական մրցակցութեան պաշտպանութեան պետական յանձնաժողովը կ'ուսումնասիրի շաքարաւազի շուկան
07-04-2011 18:25:32 | Հայաստան | Տնտեսութիւն
ՀՀ Տնտեսական մրցակցութեան պաշտպանութեան պետական յանձնաժողովի մոնիտորինգի խումբը, որը մշտապէս դիտանցումներ է կատարում մայրաքաղաքի առեւտրի կէտերում, արձանագրել է, որ վերջին շրջանում շաքարաւազի շուկայում տեղի էն ունենում գնային փոփոխութիւններ: Մի քանի շաբաթների կտրուածքով այս ապրանքատեսակի մանրածախ գինը որոշակիօրէն բարձրացել է:
Ապրիլի 7-ին կայացած Յանձնաժողովի նիստում որոշուեց կատարուած դիտանցումների հիման վրայ ուսումնասիրութիւններ սկսել շաքարաւազի շուկայում: Յանձնաժողովը շուկայում գործող ներկրող եւ արտադրող ընկերութիւններից կը պահանջի տեղեկատուութիւն իրենց գործունէութեան եւ, մասնաւորապէս, գների բարձրացման հիմնաւորումների վերաբերեալ:
Ըստ ՏՄՊՊՀ-ի մամլոյ հաղորդագրութեան, Յանձնաժողովի ուսումնասիրութիւններով Հայաստանում շաքարաւազի պահանջարկը բաւարարուել է ներկրուող շաքարաւազի հաշուին, որն ապահովել է հիմնականում «Ալեքս Գրիգ» ընկերութիւնը: Սակայն այժմ շուկայում գործում է նաեւ արտադրող ընկերութիւն` «Լուսաստղ շուգր» անուանմամբ: