ՀԱՅԱՍՏԱՆԸ ՆՈՒԱՃԵՑ ԱՌԱՋԻՆ ՄԵԴԱԼՆԵՐԸ 2008Թ. ՕԼԻՄՊԻԱԿԱՆ
ԽԱՂԵՐՈՒՄ
12-08-2008 22:00:00 | | Սպորտ
ՊԵԿԻՆ, 12 ՕԳՈՍՏՈՍԻ, ՆՈՅԵԱՆ ՏԱՊԱՆ: Հայաստանը այսօր առաջին
մեդալները տարաւ Պեկինի ամառային Օլիմպիական խաղերում:
Հունահռոմեական ոճի ըմբշամարտի մրցաշարում Ռոման Ամոյեանը բրոնզէ
մեդալը նուաճեց 55 կիլոգրամ քաշային կարգում, իսկ ծանրամարտի
տղամարդկանց մրցաշարում Տիգրան Մարտիրոսեանը երրորդը ճանաչուեց 69
կիլոգրամ քաշային կարգում:
Ինչպէս հաղորդում է «Ազատութիւնը», երրորդ տեղի համար
պայքարում Ռոման Ամոյեանը 3:0, 5:0 հաշւով առաւելութեան հասաւ
կուբացի Յանիեր Հերնանդեսի նկատմամբ: Կիսաեզրափակիչում Ամոյեանը
պարտութիւն էր կրել ադրբեջանցի Ռովշան Բայրամովից` 2:7, 1:4
հաշւով: Ծանրամարտում 69 կիլոգրամ քաշայինների մէջ օլիմպիական
չեմպիոն դարձաւ Չինաստանը ներկայացնող Լիաո Հուին, իսկ արծաթէ
մեդալին արժանացավ ֆրանսիացի Վենսելա Դաբայա-Թիենչյոն: