«Ժառանգութիւնն» առաջարկում է բացօթեայ առեւտրի քաղաքակիրթ կարգաւորում
07-04-2011 13:37:35 | Հայաստան | Տնտեսութիւն
Ապրիլի 7-ին ՀՀ Ազգայի Ժողովի «Ժառանգութիւն» ընդդիմադիր խմբակցութիւնը շրջանառութեան մէջ է դրել «Առեւտրի եւ ծառայութիւնների մասին» օրէնքում փոփոխութիւններ եւ լրացումներ կատարելու մասին» օրէնքի նախագիծը։
«Ժառանգութիւն»-ն առաջարկում է.
1. բացօթեայ առեւտուր իրականացնելու թոյլտւություն պէտք է տրամադրուի նաեւ անհատ ձեռներէց չհանդիսացող անձանց,
2. պէտք է թոյլատրուի նաեւ բոյսերի, բուսական արտադրանքի, ոչ պարէնային ապրանքների բացօթեայ առեւտուրը,
3. համայնքների ղեկավարները պարտաւոր էն բացօթեայ առեւտուր իրականացնողներին տրամադրել առնուազն 1-2 քառ. մետր տարածք` բացօթեայ առեւտուրը պատշաճ կազմակերպելու համար,
4. բացօթեայ առեւտուրը կարող է իրականացուել ինչպէս շարժական սայլակներով, այնպէս էլ` ոչ շարժական,
5. շարժական սայլակում ոչ պարէնային ապրանքների քաշը պէտք է լինի 7 կիլոգրամից ոչ աւելի,
6. բացօթեայ առեւտուր իրականացնողները վճարելու էն տեղական տուրքեր` օրէնքով սահմանուած չափով (իւրաքանչիւր օրուայ համար 350 դրամ):
7. բաօթեայ առեւտուր իրականցնողները պարտաւոր էն ապահովել ապրանքների ապրանքային տեսքը, որակը եւ անվտանգութիւնը` պահպանելով տարածքի սանիտարահիգիենիկ պահանջներն ու մաքրութիւնը:
Ըստ «ՆՏ»-ին տրամադրած հաղորդագրութեան, ներկայացուած նախագիծն ուղղուած է բնակչութեան ամենախոցելի խաւերից մէկի պաշտպանութեանը, որը ներկայումս գործող օրէնքի կիրառման արդիւնքում յայտնուել է անելանելի վիճակում: