ԵՐԵՒԱՆՈՒՄ ԱՆՑԿԱՑՈՒԵՑ ՀՀ ՎԱՍՏԱԿԱՒՈՐ ՄԱՐԶԻՉ ՎՈԼՏԵՐ ԱԹԱՆԵՍԵԱՆԻ
ԱՌԱՋԻՆ ՅՈՒՇԱՄՐՑԱՇԱՐԸ
01-07-2008 16:55:00 | Հայաստան | Սպորտ
ԵՐԵՎԱՆ, 1 ՅՈՒԼԻՍԻ, ՆՈՅԵԱՆ ՏԱՊԱՆ: Յունիսի 29-ին Երեւանի
«Դինամո» մարզադահլիճում աւարտուեց ՀՀ վաստակաւոր մարզիչ Վոլտեր
Աթանեսեանի բռնցքամարտի հանրապետական երիտասարդական առաջին
յուշամրցաշարը: Վաստակաւոր մարզիչ Եուրի Ներսիսեանը «ՆՏ»-ի թղթակցի
հետ զրոյցում նշեց, որ ռինգ ելած 65 մասնակիցների թւում կային
շնորհալիներ, թէեւ զգացնել էր տալիս մրցափորձի պակասը:
Լաւագոյն տեխնիկայի մրցանակին արժանացավ Արամ Աւագեանը (54
կգ, Երեւան), լաւագոյն բռնցքամարտիկինը` Արտակ Յովհաննիսեանը (51
կգ, Գիւմրի): 69 կգ քաշայիններ Արամ Մարտիրոսեան (Երեւան) -
Յովհաննէս Խաչատրեան (Աբովեան) մենամարտը լաւագոյնը ճանաչուեց
մրցաշարում: Նրանց յատուկ մրցանակ յանձնեց Վ.Աթանեսեանի նախկին
սան, գլխաւոր մրցավար, Դաւիթաշենի թաղապետ Արթուր Գեւորգեանը:
Յուշամրցաշարի գլխաւոր հովանաւորն էր Վ.Աթանեսեանի նախկին
սան, ԽՍՀՄ սպորտի վարպետ մոսկվաբնակ Սամուէլ Ղազարեանը, որի
բազմաթիւ մարզընկերները նույնպես մեծ օժանդակություն ցուցաբերեցին
իրենց մարզչի յուշամրցաշարի անցկացմանը: