ԱՂԷՏԻ ԳՕՏՈՒ ՇԻՆԱՇԽԱՏԱՆՔՆԵՐԻ ՖԻՆԱՆՍԱՒՈՐՄԱՆ ՀԱՄԱՐ ԵՐԵՔ
ՏԱՐԲԵՐԱԿ Է ՄՇԱԿTYԵԼ
25-06-2008 18:00:00 | Հայաստան | Տնտեսութիւն
ԵՐԵՎԱՆ, 25 ՅՈՒՆԻՍԻ, ՆՈՅԵԱՆ ՏԱՊԱՆ: Ներկայումս աղէտի գօտում
հաշւառուած են 6985 անօթեւան քաղաքացիներ, այդ թւում` 1800 միայնակ
ծերեր: Նրանց բնակարաններով ապահովելու համար կպահանջուի մօտ 77
մլրդ դրամ (մօտ 252 մլն ԱՄՆ դոլար): Այս մասին երկրաշարժի
հետեւանքով անօթեւան մնացած ընտանիքների բնակարանային ապահովման
ծրագրերի մշակման եւ իրականացման նպատակով ստեղծուած
միջգերատեսչական յանձնաժողովի յունիսի 25-ի նիստում յայտնեց ՀՀ
վարչապետ Տիգրան Սարգսեանը:
Ըստ նրա, անօթեւանների համար բնակարանների կառուցման
ֆինանսաւորման նպատակով երեք տարբերակ է մշակtyել: Մասնաւորապէս,
պետութիւնը յայտարարում է մասնաւոր շինկազմակերպության ընտրութեան
մրցոյթ եւ պարտաւորւում 23 տարուայ ընթացքում պետբիւջէից գումարներ
յատկացնել այդ կազմակերպութեանը: Ընդ որում, ամէն տարի վճարումները
պէտք է իրականացուեն շուկայական գներով:
Յաջորդ տարբերակը հիպոտեկային հիմնադրամի ստեղծումն է: Ըստ
Կենտրոնական բանկի նախագահ Արթուր Ջաւադեանի, հիմնադրամը, որը
կունենայ նաեւ պետական մասնակցութիւն, շինկազմակերպությանը
կտրամադրի գումարի մի մասը, այնուհետեւ այդ գումարի դիմաց կթողարկի
հիպոտեկային արժեթղթեր, որոնք մէկ տարում կտեղաբաշխուեն: Դրանից
յետոյ հիմնադրամը կտրամադրի մնացած գումարը: Հիպոտեկային վարկը
նախատեսւում է տրամադրել 15 տարով` 9% տոկոսադրույքով: Բնակտարածքի
1 քառ.մ-ի կառուցման համար հաշուարկուել է 235 հազար դրամ, ինչը ՀՀ
Կադաստրի պետական կոմիտէի նախագահ Մանուկ Վարդանեանի կարծիքով շատ
բարձր թիւ է: Վերջին տարբերակը վաուչերների տրամադրումն է:
ՀՀ քաղաքաշինութեան նախարար Վարդան Վարդանեանը տեղեկացրեց, որ
Գիւմրիում կան 619 անաւարտ շինօբյկետներ, որոնցից միայն 136-ն են
պիտանի յետագայ շինարարութեան համար: Ըստ նրա, եթէ կառուցուի 50
բնակարանանոց 60 շէնք, ապա Գիւմրիում բնակարանային խնդիրը
կլուծուի: Սակայն Գիւմրիի փոխքաղաքապետ Գագիկ Մանուկեանը նշեց, որ
այդ օբյեկտներից եւ ոչ մէկը պիտանի չէ շինարարութեան համար:
Որոշում ընդունուեց մինչեւ օգոստոսի 1-ը մշակել նշուած
աշխատանքների իրականացման եւ խնդիրների լուծման համապատասխան
հայեցակարգ: