FIDH-ն եւ մի շարք այլ կազմակերպութիւններ կոչ են անում
Հայաստանի իշխանութիւններին ստեղծել այնպիսի պայմաններ, որոնք
կերաշխաւորեն երկրում խօսքի ազատութեան լիարժէք իրականացումը
FIDH-ն եւ մի շարք այլ կազմակերպութիւններ կոչ են անում
Հայաստանի իշխանութիւններին ստեղծել այնպիսի պայմաններ, որոնք
կերաշխաւորեն երկրում խօսքի ազատութեան լիարժէք իրականացումը
02-04-2010 19:36:00 | Հայաստան | Քաղաքական
ԵՐԵՎԱՆ, 2 ԱՊՐԻԼԻ, ՆՈՅԵԱՆ ՏԱՊԱՆ: Մարդու իրաւունքների
միջազգային ֆեդերացիան (FIDH) եւ Խօսքի ազատութեան պաշտպանութեան
կոմիտէն, Երեւանի մամուլի ակումբը, Լրատվամիջոցների աջակցութեան
«Ինտերնյուս» ՀԿ-ն, Բազմակողմանի տեղեկատուութեան ինստիտուտը,
Հայաստանի Հելսինկեան կոմիտէն, «Ընդդէմ իրաւական կամայականության»
կազմակերպութիւնը, Քաղաքացիական հասարակութեան ինստիտուտը իրենց
մտահոգութիւնն են յայտնել Հայաստանում խօսքի եւ մամուլի
ազատութեան սահմանափակումների վերաբերեալ:
Ըստ նշուած կազմակերպութիւնների յայտարարութեյան, այս ոլորտում
իրավիճակը կտրուկ վատթարացավ 2002թ.-ի ապրիլի 2-ից, երբ «Ա1+»
անկախ մասնաւոր հեռուստաընկերությունը զրկվեց հեռարձակուելու
հնարաւորութիւնից:
«Ա1+»-ի եթերազրկումն անմիջապէս ազդեց Հայաստանում
բազմակարծութեան մակարդակի վրայ, գրեթէ բոլոր հեռարձակողները
սկսեցին գործել է'լ աւելի զգուշորեն: Կիրառւում է քողարկված
գրաքննութիւն` հարկային, տնտեսական, ինչպէս նաեւ քաղաքական
ներազդման լծակների օգտագործմամբ: 2002թ.-ի ապրիլից ի վեր «Ա1+»
հեռուստաընկերությունը մասնակցել է հեռարձակման լիցենզաւորման
10-ից աւելի մրցոյթների եւ բոլոր դէպքերում Հեռուստատեսութեան եւ
ռադիոյի ազգային յանձնաժողովի որոշմամբ նա լիցենզիա չի ստացել:
Հայաստանի լրագրողական եւ իրաւապաշտպան կազմակերպութիւնների
համոզմամբ, «Ա1+»-ը դարձել է քաղաքական հետապնդման զոհ»,- ասուած է
յայտարարութիւնում:
Յայտարարութեյան հեղինակները կոչ են անում Հայաստանի
իշխանութիւններին ստեղծել այնպիսի պայմաններ, որոնք կերաշխաւորեն
երկրում խօսքի ազատութեան լիարժէք իրականացումը: Մասնաւորապէս,
կայանալիք հեռարձակման լիցենզաւորման մրցույթներում ապահովել
անաչառութիւն եւ թափանցիկություն` դրանով իսկ երաշխավորելով
հիմնաւորուած որոշումներ, որոնք կարժանանան հասարակութեան
վստահությանը: