ԵՐԵՎԱՆ, 31 ՄԱՐՏԻ, ՆՈՅԵԱՆ ՏԱՊԱՆ: Ըստ «2009թ.-ի ընթացքում ՀՀ Մարդու իրաւունքների պաշտպանի գործունէութեան եւ երկրում մարդու իրաւունքների ու հիմնարար ազատութիւնների խախտման մասին» տարեկան զեկոյցի, անցած տարի արձանագրուել է ԶԼՄ-ների եւ դրանց աշխատակիցների նկատմամբ ճնշումների 14 դէպք` 2008թ.-ի 16-ի դիմաց: Զեկոյցում նշւում է, որ այդ փաստերի վերաբերեալ Պաշտպանը հանդէս է եկել յայտարարութիւններով եւ խստօրէն դատապարտել կատարուված դէպքերը: Նա արձանագրել է, որ նման բռնութիւնների չբացահայտման դէպքերը երկրում ստեղծում են վախի եւ անպատժելիութեան մթնոլորտ:

---