Այս տարի խոզի ժանտախտի հետեւանքով գրանցուել է խոզերի անկման
174 դէպք
16-03-2010 17:02:00 | Հայաստան | Տնտեսութիւն
ԵՐԵՎԱՆ, 16 ՄԱՐՏԻ, ՆՈՅԵԱՆ ՏԱՊԱՆ: Տաւուշի մարզում արձանագրուել
է խոզի ժանտախտ, ինչի հետեւանքով մարզի 5 համայնքներում այս տարուայ
ընթացքում արդէն գրանցուել է խոզերի անկման 174 դէպք: Հիւանդ
կենդանիների մի մասը հարկադիր սպանդի է ենթարկուել: Այս մասին մարտի
16-ի ասուլիսում յայտնեց ՀՀ գիւղատնտեսութեան նախարար Գերասիմ
Ալավերդեանը:
Ըստ նրա, ներկայիս վարակը 2007թ.-ին մարզում բռնկուած ժանտախտի
համաճարակի հետեւանքն է, քանի որ անտառներում թաղման աշխատանքները
պատշաճ չեն կատարուել եւ հիւանդ անասունները խորը չեն թաղվել:
Գ.Ալավերդեանը, վստահեցրեց, որ ներկայումս մտահոգուելու կարիք չկայ,
քանի որ նախարարութիւնը բոլոր անհրաժեշտ միջոցառումները
ձեռնարկում է, որպէսզի համաճարակը չտարածուի եւ մասսայական բռնկում
չլինի:
Գ.Ալավերդեանը յայտնեց նաեւ, որ կառավարութիւնում ՀՀ
վարչապետի յանձնարարութեամբ ստեղծուել է աշխատանքային խումբ`
գիւղատնտեսութեան նախարարի գլխաւորութեամբ, որում ընդգրկուած են
նաեւ Առողջապահութեան եւ Բնապահպանութեան նախարարութիւնների
մասնագէտները: