ԹԵՀՐԱՆ, 11 ՄԱՐՏԻ, ՆՈՅԵԱՆ ՏԱՊԱՆ-ՀԱՅԵՐՆ ԱՅՍՕՐ: Իրանի բասկետբոլի միջազգային առաջնակարգ դատաւոր Հերոս Ավանեսյանն ընտրուել է Թուրքիայում կայանալիք` 2010 թուականի միջազգային մրցումներին մասնակցելու համար: Ինչպէս տեղեկացնում է «Ալիքը», բասկետբոլի միջազգային ֆեդերացիայի յայտարարութեյան համաձայն, որոշուել եւ հաստատուել է, որ Հերոս Աւանէսեանը այն դատաւորների շարքում է, ովքեր օգոստոսին Թուրքիա են մեկնելու` միջազգային մրցումները դատելու համար: Թերթից տեղեկանում ենք, որ Իրանի բասկետբոլի թիմը եւս մասնակցելու է այդ մրցումներին, որպէս Ասիայի չեմպիոն: Հերոս Աւանէսեանը 2008 թուականի Պեկինի օլիմպիական խաղերում արժանացել է 30 ընտրյալ դատաւորների շարքին դասուելու պատուին:

---