ԵՐԵՎԱՆ, 5 ՄԱՐՏԻ, ՆՈՅԵԱՆ ՏԱՊԱՆ: Հայաստանի Սահմանադրական
դատարանը մարտի 5-ին որոշում կայացրեց կասեցնել Երեւանի թիւ 10
ընտրատարածքում մեծամասնական ընտրակարգով ԱԺ պատգամաւորի յունվարի
10-ի լրացուցիչ ընտրութիւնները վիճարկող «Հայկական ժամանակ»
օրաթերթի գլխաւոր խմբագիր Նիկոլ Փաշինյանի դիմումի քննութիւնը:
2008թ. մարտի 1-ին Երեւանում զանգվածային անկարգութիւններ
կազմակերպելու մեղադրանքով 7 տարուայ ազատազրկման դատապարտուած
Ն.Փաշինյանը խնդրում էր ապահովել իր ներկայութիւնը դիմումի
քննությանը: Յիշեցնելով այս մասին, դիմումատուի ներկայացուցիչները
նշեցին նաեւ, որ իրենք հնարաւորութիւն չեն ունեցել հանդիպել իրենց
վստահորդի հետ եւ ճշտել, թէ համաձայն է Ն.Փաշինյանը, որ իր
իրաւունքները ներկայացուեն իր ներկայացուցիչների միջոցով:
Ըստ ՍԴ որոշման, դատարանը իրաւասու չէ ապահովելու դիմումատուի
ներկայութիւնը: Միաժամանակ դատարանը արձանագրեց, որ քաղաքացու
շահերը կարող են ներկայացուել կամ անձամբ քաղաքացու կամ նրա
ներկայացուցիչների միջոցով: Սակայն գործի կասեցմամբ դատարանը
հնարաւորութիւն տվեց փաստաբաններին հանդիպել Ն.Փաշինյանի հետ եւ
պարզել հարցի կապակցութեամբ նրա դիրքորոշումը: