2010թ.-ի յունուարին Հայաստանի պետական բիւջէն կատարուել է
շուրջ 12,5 մլրդ դրամ հավելուրդով
03-03-2010 18:46:00 | Հայաստան | Տնտեսութիւն
ԵՐԵՎԱՆ, 3 ՄԱՐՏԻ, ՆՈՅԵԱՆ ՏԱՊԱՆ: 2010թ.-ի յունուարին Հայաստանի
պետական բիւջէն կատարուել է շուրջ 12,5 մլրդ դրամ հավելուրդով`
առաջին եռամսյակում ծրագրուած 32,8 մլրդ դրամ պակասուրդի դիմաց:
Ինչպէս «ՆՈՅԵԱՆ ՏԱՊԱՆ»-ին յայտնում են Հայաստանի Ֆինանսների
նախարարութիւնից, նախորդ տարուայ նոյն ժամանակահատուածում պետական
բիւջէն կատարուել էր շուրջ 7,3 մլրդ դրամ հավելուրդով:
Հաշուետու ժամանակահատուածում ֆինանսաւորման ներքին աղբիւրների
գծով արձանագրուել է 92 մլրդ դրամ յաւելուրդ` նախորդ տարուայ 4,4 մլրդ
դրամի դիմաց: Ֆինանսաւորման արտաքին աղբիւրների գծով արձանագրուել
է 3,3 մլրդ դրամ յաւելուրդ` նախորդ տարուայ 2,9 մլրդ դրամի դիմաց:
Դեֆիցիտի ֆինանսաւորման ներքին աղբիւրներում 55,4 մլն դրամ
են կազմել փոխառու միջոցներից (արժեթղթերից) զուտ մուտքերը:
Մասնաւորապէս, 64,6 մլն դրամի զուտ մուտքեր են ապահովել
գանձապետական պարտատոմսերի թողարկումից: Մուրհակների մարման
նպատակով եռամսյակային ծրագրով նախատեսուած վճարումները կատարուել են
70,9%-ով` կազմելով 9,3 մլն դրամ: 2010թ.-ի յունուարին դեֆիցիտի
ներքին ֆինանսական ակտիւները կազմել են -9,2 մլրդ դրամ: Տրամադրուած
վարկերի վերադարձից մուտքերը կազմել են աւելի քան 5,6 մլրդ դրամ
(եռամսյակային ծրագրի 95,4%-ը), որի հիմնական մասը վճարուել է
«Հայռուսգազարդ» ԲԲԸ-ի կողմից: Ծախսերի նկատմամբ եկամուտների
գերազանցման արդիւնքում յունուար ամսուայ ընթացքում 14,8 մլրդ դրամով
աւելացել են ազատ բիւջէտային միջոցները:
2010թ.-ի յունուարին պետական բիւջէի արտաքին ֆինանսաւորման
գծով արձանագրուել է 3,3 մլրդ դրամ յաւելուրդ կամ նախատեսուածի
25,9%-ը: Մասնաւորապէս, 2,8 մլրդ դրամ միջպետական վարկ է
տրամադրվել ԼՂՀ-ին: Վրաստանի կողմից միջպետական վարկի գծով
կատարուել է 44,8 մլն դրամի վճարում, որը հանդիսանում է նախորդ
տարուայ պարտաւորութիւնը:
Արտաքին պարտաւորութիւնների մարմանն ուղղուել է շուրջ 571,1
մլն դրամ, որը յատկացուել է Համաշխարհային բանկի աջակցութեամբ
իրականացyող ծրագրերի գծով պարտքի մարմանը:
Նշենք, որ այս տարուայ յունուարին ԱՄՆ դոլարի միջին փոխարժեքը
կազմել է 377,53 դրամ: