Սանկտ-Պետերբուրգում նշուվել է Սումգայիթի ողբերգական
իրադարձութիւնների 22-րդ տարելիցը
01-03-2010 21:04:00 | Ռուսաստան | Քաղաքական
ՍԱՆԿՏ ՊԵՏԵՐԲՈՒՐԳ, 1 ՄԱՐՏԻ, ՆՈՅԵԱՆ ՏԱՊԱՆ: Սանկտ-Պետերբուրգի
Սբ. Կատարինա հայ առաքելական եկեղեցու բակում փետրուարի 28-ին նշուվել
է Սումգայիթի ողբերգական իրադարձութիւնների 22-րդ տարելիցը:
Առաւօտեան եկեղեցում մատուցուել է զոհերի յիշատակի պատարագ:
Միջոցառմանը մասնակցել են Սանկտ-Պետերբուրգում Հայաստանի
գլխաւոր հիւպատոս Վարդան Յակոբեանը, հիւպատոսութեան
աշխատակիցները, Սանկտ-Պետերբուրգի բարձրագոյն զինուորական
ուսումնական հաստատութիւններում սովորող հայ սպաներ եւ
ունկնդիրներ, հայ համայնքի ներկայացուցիչներ:
Ըստ ՀՀ ԱԳՆ Մամուլի եւ տեղեկատուութեան վարչութեան
հաղորդագրութեան, պատարագի աւարտին եկեղեցու բակում սումգայիթյան
ողբերգութիւնը դատապարտող ելոյթներ են ունեցել Սանկտ-Պետերբուրգի
եւ Հիւսիս-արեւմտյան տարածաշրջանի հայ համայնքի հոգեւոր հովիւ
Նշան Պետրոսեանը եւ հիւպատոս Վարդան Յակոբեանը: