Թեհրանում ելոյթ են ունեցել իրանահայ դաշնակահարները
18-02-2010 14:41:00 | | Մշակոյթ
ԹԵՀՐԱՆ, 18 ՓԵՏՐՈՒԱՐԻ, ՆՈՅԵԱՆ ՏԱՊԱՆ-ՀԱՅԵՐՆ ԱՅՍՕՐ: Փետրուարի
17-ին, «Վահդաթ» համալիրի «Ռուդաքի» սրահում ելոյթ են ունեցել
իրանահայ դաշնակահարներ Ալվին Յովհաննիսեանը եւ Կարեն Մեհրաբեանը:
Ինչպէս տեղեկացնում է «Ալիքը», արուեստասէր հասարակութիւնը վայելել
է Շուբերտի, Բրամսի, Արամ Խաչատրեանի, Բիզեի, Բախի, Գրիգի եւ
Դվորժակի ստեղծագործությունների բարձրարուեստ կատարումները:
Համերգները տեղի են ունենալու նաեւ փետրուարի 18-ին եւ 19-ին: