Ստեփանակերտի օդանաւակայնից չուերթներ իրականացնելու դէպքում քաղաւիացիայի ինքնաթիռները ոչնչացնելու ադրբեջանական կողմի սպառնալիքների կապակցութեամբ Եւրոպայի Հայկական Միութիւնների Ֆորումը ապրիլի 4-ին տարածել է հետեւեալ հաղորդագրութիւնը. «Վերլուծելով Ստեփանակերտ թռիչքներ կատարելու շուրջ Ադրբեջանի յայտարարութիւններն, Եւրոպայի Հայկական Միութիւնների Ֆորումի /ԵՀՄՖ/ նախագահութիւնը նշում է, որ Եւրոպայի եւ աշխարհի ոչ մի երկիր նորմալ չընդունեց քաղաքացիական աւիացիայի ոչնչացման շուրջ այդ յայտարարութիւնները, բացի Թուրքիայից: Եհմֆ-ի նախագահ Աշոտ Գրիգորեանն այդ առթիւ նշում է, որ յատկապէս տարօրինակ է Թուրքիայի ռէակցիան, եթէ հաշուի առնենք, որ համանման իրավիճակում թուրքական եւ ադրբեջանական աւիաընկերութիւններն իրագործում էն թռիչքներ հիւսիսային Կիպրոս: Թուրքիան, ցաւօք սրտի, վարպետօրէն օգտուելով հայ-թուրքական արձանագրութիւնների տուած հնարաւորութիւններից, ամբողջովին ներգրաւուեց արցախեան հարցի կարգաւորման գործընթացին` միակողմանիօրէն պահելով զուտ Ադրբեջանի շահերը: Այդ մասին առաջին անգամ հրապարակաւ պարոն Գրիգորեանը բարձրաձայնեց 2010թ.-ի մայիսին Զալցբուրգի << Թուրքիայ – ԵՄ>> ֆորումի ընթացքում Թուրքիայի Մեծ Ազգային Ասամբլեայի անդամ, իշխող կուսակցութեան փոխնախագահ Սիւաթ Կ'ինիկլիօղլուի յայտարարութեան հիման վրայ: Ինչպէս յայտնեց պարոն Գրիգորեանը ՀՀ Ագն-ին եւ Զլմն-ին, պարոն Կինիկլիօղլուն դիմել էր նրան որպէս Եհմֆ-ի նախագահի` խնդրանքով միջնորդելու, որպէսզի սփիւռքի հայկական կազմակերպութիւնները համաձայնուէն վարչապետ Էրդողանի եւ ՀՀ նախագահ Սերժ Սարգսեանի միջեւ իբր թէ կայացած բանակցութիւնների արդիւնքի հետ` Ադրբեջանին երկու արցախեան ազատագրուած տարաքներ վերադարձնելու պայմանի շուրջ: Գրիգորեանը հէնց տեղում յայտարարել էր, որ ՀՀ նախագահի հետ այդպիսի պայմանաւորուածութիւններ անհնարին էր, որ թուրքական կոմղ ունենար, քանի որ Սերժ Սարգսեանը բազմիցս յայտարարել է, որ արձանագրութիւնների մէջ նախապայմաններ չկան եւ չէին կարող լինել: Աւելին, Գրիգորեանը հարցրել էր, թէ ինչպէս կարող է Թուրքիան պահանջել արցախեան հարցի լուծման իր տարբերակը եւ Հայաստանին անուանել օկուպանտ, երբ Թուրքիան ինքն օկուպացրել է հիւսիսային Կիպրոսի տարածքը: Թուրք բարձրագոյն ներկայացուցչի պատասխանը հետեւեալն էր. Թուրքիան չի օկուպացրել Կիպրոսի տարածքը այլ փրկել է Կիպրոսում ապրող թուրք ժողովրդին ոչնչացումից` ընտրելով օգնութեան ռազմական ուղին / ասել է թէ ինտերուենցիայ է կատարել/ ի տարբերութիւն Արցախի հիւսիասային Կիպրոսը ճանաչվցած է որպէս անկախ հանրապետութիւն գոնէ մէկ երկրի` Թուրքիայի կողմից Այսօր վերլուծելով ասուածը պարզ է դառնում, որ առաջին կէտը ամբողջովին վերաբերւում է նաեւ Արցախի պարագային, ընդ որում ինքնապաշտպանութիւնը կազմակերպուել է հէնց արցախեան ուժերի կողմից եւ տարածքները ազատագրուած էն ոչ թէ գրաւուած, սակայն երկրորդ կէտում թուրքական իշխանութիւնները ճիշտ էն. ՀՀ չի ճանաչել դեռեւս Արցախի անկախութիւնը: Վերլուծութիւնից հետեւում է, որ Հհ-ը պէտք է առաջին իսկ առիթով ընդունի Արցախի անկախութիւնը` նախադէպ ստեղծելով նաեւ միւս երկրների համար: Ընդ որում այդպիսի առիթներ արդէն եղել էն: Վերջին հիանալի առիթը Հաագայի դատարանի կողմից Կոսովոյի անկախութեան օրինականացման փաստն էր: Փաստօրէն Ադրբեջանը, այսօր քննարկելով Ստեփանակերտ թռիչքների շուրջ իրաւական նորմերի հարցը, դուրս է գալիս իր այն մօտեցումից, որ Արցախը նա համարում է իր տարածքը: Այդ հարցը մէկընդմիշտ կը վերանայ, երբ ՀՀ ընդունի Արցախի անկախութիւնը: Դրա համար հիանալի առիթ է այսօր թռիչքների ապահովութիւնն իրականացնելու համար Արցախի անկախութիւնը յայտարարելու հնարաւորութիւնը: Կարծում ենք մինչ մայիսի ինը կարելի է օգտուել հարցի շուրջ մեծացող լարուածութիւնից եւ այն լուծել Արցախի անկախութիւնն ընդունելու յայտարարութեամբ: Յատկապէս սրան նպաստում է նաեւ Արցախին բանակցութիւնների կողմ ճանաչելու խիստ անհրաժեշտութիւնը, առանց որի արցախեան հարցի լուծումը Մինսկի խմբի շրջանակներում ակնյայտօրէն դարձել է անհնարին: Այնուհետեւ, եւ արցախեան եւ ցեղասպանութեան հարցում Թուրքիայի սպեկուլացիաների դէմն առնելու համար ՀՀ նախագահը պէտք է ետ կանչի իր ստորագրութիւնները կասեցնելով արձանագրութիւնները` ելնելով յատկապէս նրանից, որ Թուրքիան ոչ մօտիկ կամ տեսանելի ապագայում եւ ոչ էլ դրան հետեւած ժամանակահատուածում չկատարեց պայմանաւորուածութիւնը ու չվաւերացրեց արձանագրութիւնները: Աւելին, օգտուելով արձանագրութիւնների անճշտութիւններից, Թուրքիան առաջ քաշեց նախապայմաններ ցեղասպանութեան դէմ եւ արցախեան հարցում` ներկայացնելով իր տեսակէտներն, որոնք ամբողջովին հակասում էն համաշխարհային հանրութեան պատկերացումներին: Կասեցնելով այս արձանագրութիւնները ՀՀ կը ստեղծի նոր իրավիճակ. կամ կպատրաստուէն նոր արձանագրութիւններ, որոնք կլինէն առաւել յստակ եւ գրագէտ ձեւակերպուած ու թոյլ չէն տալ թուրքական կողմին խուսանաւելու, կամ Թուրքիան ստիպուած կը լինի հրաժարուել << զրոյ խնդիրներ հարեւանների հետ>> իր կարգախօսից ու կ'ունենայ նոր խնդիրներ Եմ-ին անդամակցելու հարցում: Վերջերս <<Ազգ>> թերթին տրուած հարցազրոյցում Թուրքիայի ԱԳ նախարար Ա. Դաւութօղլուն վերահաստատեց իրենց մօտեցումները վերոյիշեալ հարցերի շուրջ: Սա նշանակում է, որ Հհ-ը պարտաւոր է արագ լուծում տալու , որի պատճառով էլ մեր տուած առաջարկները համարում ենք շատ ակտուալ: Ուզում ենք յիշեցնել նաեւ անցեալ ամառ Եհմֆ-ի կողմից ներկայացրած տեղեկատուութիւնը այն մասին, որ շրջանառւում էն քննարկումներ ազատագրուած տարածքներ խաղաղապահ զօրքեր մտցնելու հետ կապուած: Ընդ որում այս գործողութիւնը չափազանց հետաքրքրում է յատկապէս Ամն-ին, քանի որ նրան ընձեռնւում է Իրանի սահմանը շրջապակելու եզակի հնարաւորութիւն: Եհմֆ-ի յայտարարութեան մէջ ժամանակին ասուած էր, որ այդ նպատակն իրականացնելու համար ադրբեջանա-արցախեան ճակատի վրայ լարուածութիւնը արհեստականօրէն թէժացուելու է: Սրա դէմ հանդէս եկաւ կարճ յայտարարութեամբ ՀՀ Ագն-ը, սակայն վերջին ամիսները ապացուցեցին մեր տեղեկատուութեան ճշմարտացիութիւնը: Ամփոփելով վերոյիշեալ վերլուծութիւնները, եւս մէկ անգամ յայտարարում ենք հրատապ քայլերի կիրառման անհրաժեշտութեան մասին ու առաջարկում մեր լուծումները ա. յայտարարել Արցախի անկախութիւնը բ. կասեցնել արձանագրութիւնների գործունէութիւնը» ԵՀՄՖ-ի մամլոյ քարտուղարութիւն 04.04.11թ.

---