ԼԻՆԱՐԵՍ, 17 ՓԵՏՐՈՒԱՐԻ, ՆՈՅԵԱՆ ՏԱՊԱՆ: Իսպանիայի Լինարես քաղաքում անցկացուող շախմատի աւանդական գերմրցաշարի 4 փուլերի արդիւնքներով գրոսմայստեր Լեւոն Արոնեանը վաստակել է 2 միաւոր: Նա իր չորս հանդիպումներն էլ աւարտել է ոչ-ոքի արդիւնքով: Չորրորդ փուլում նրա մրցակիցն էր ադրբեջանցի Վուղար Հաշիմովը: Խաղաղ ելքով են աւարտուել նաեւ Գրիշչուկ - Վալեխո Պոնս, Գելֆանդ - Թոփալով հանդիպումները: Մրցաշարային աղիւսակը 2,5-ական միաւորով գլխաւորում են ռուսաստանցի Ալեքսանդր Գրիշչուկը եւ բուլղարացի Վեսելին Թոփալովը: Նրանց 2-ական միաւորով յաջորդում են Լեւոն Արոնեանն ու իսպանացի Ֆրանսիսկո Վալեխո Պոնսը: Վուղար Հաշիմովն ու իսրայելցի Բորիս Գելֆանդը վաստակել են 1,5-ական միաւոր:

---