ԵՐԵՎԱՆ, 15 ՓԵՏՐՈՒԱՐԻ, ՆՈՅԵԱՆ ՏԱՊԱՆ: Երեւանում փետրուարի 13-14-ին անցկացուած հունահռոմեական ըմբշամարտի աշխարհի գաւաթի խաղարկութիւնում Հայաստանի հաւաքականը երկրորդ տարին անընդմէջ գրաւեց երրորդ տեղը: Գաւաթի համար պայքարում էին ութ երկրների ընտրանիներ: Հայաստանի թիմը խմբային մրցաշարում փետրուարի 13-ին միեւնոյն` 7:0, հաշւով յաղթեց Կուբայի եւ Սկանդինավիայի հաւաքականներին, իսկ փետրուարի 14-ին 3:4 հաշւով պարտուեց Իրանի ընտրանուն եւ Ա խմբում գրաւեց երկրորդ տեղը: Գաւաթի խաղարկութիւնում երրորդ տեղի համար պայքարում հայաստանցի ըմբիշները 4:3 հաշւով յաղթեցին Ռուսաստանի ըմբիշներին: Առաջին տեղի համար պայքարեցին Ա եւ Բ խմբերի յաղթողները` Իրանի եւ Թուրքիայի մարզիկները: Արդիւնքում, իրանցիները յաղթեցին 4:3 հաշւով եւ նուաճեցին աշխարհի գաւաթը:

---