ԵՐԵՎԱՆ, 15 ՓԵՏՐՈՒԱՐԻ, ՆՈՅԵԱՆ ՏԱՊԱՆ: Հայաստանի թաեքվոնդոյի կադետների եւ երիտասարդական հաւաքականները մասնակցել են փետրուարի 11-12-ին Իրանի մայրաքաղաք Թեհրանում կայացած միջազգային «Դաե ֆաջր» առաջնութեանը: Իւրաքանչիւր տարիքային խմբում հանդէս են եկել 7 երկրների 10 թիմեր: Ինչպէս տեղեկացնում են ՀՀ Սպորտի եւ երիտասարդության հարցերի նախարարութիւնից, Հայաստանի երիտասարդական հաւաքականը նուաճել է 1 ոսկէ, 1 արծաթէ, 5 բրոնզէ մեդալ եւ թիմային հաշուարկով զբաղեցրել մրցաշարային աղիւսակի 3-րդ հորիզոնականը: 13-15 տարեկանների խմբում Հայաստանի հաւաքականը նուաճել է 6 բրոնզէ մեդալ եւ թիմային հաշուարկով զբաղեցրել մրցաշարային աղիւսակի 3-րդ հորիզոնականը: Թաեքվոնդոյի Եւրոպայի առաջնութեան բրոնզէ մեդալակիր Հայկազ Սամուէլեանը նուաճել է ոսկէ մեդալ եւ պարգեւատրուել լաւագոյն տեխնիկայի համար:

---