ԵՐԵՎԱՆ, 9 ՓԵՏՐՈՒԱՐԻ, ՆՈՅԵԱՆ ՏԱՊԱՆ-ՀԱՅԵՐՆ ԱՅՍՕՐ: 2010թ.
փետրուարի 9-ին ՀՀ սփիւռքի նախարարութիւնում տեղի ունեցաւ «Մէկ
ազգ, մէկ մշակոյթ» համահայկական հիմնադրամի հոգաբարձուների խորհրդի
նիստ` հոգաբարձուների խորհրդի նախագահ ՀՀ սփիւռքի նախարար Հրանուշ
Յակոբեանի նախագահութեամբ:
Նիստի սկզբում, ողջունելով խորհրդի նախագահին եւ անդամներին,
զեկուցողը` «Մէկ ազգ, մէկ մշակոյթ» համահայկական հիմնադրամի
գործադիր տնօրէն Թամար Պողոսեանը, ամփոփեց 2009 թուականի
գործունէութիւնը: Ըստ նրա, անցած տարին յատկապէս նշանաւորուեց
հոգաբարձուների խորհրդի նոր նախագահի ընտրութեամբ, որի
գլխաւորութեամբ էական որակական փոփոխութիւններ տեղի ունեցան
խորհրդի գործունէութեան մէջ: 2009 թուականին լրացաւ հիմնադրամի
ստեղծման հինգերորդ տարին, որի ընթացքում հիմնադրամը բազմաթիւ
միջոցառումներ իրականացրեց` այդ թւում նաեւ «Վազգէն Սարգսեյանի
50-ամեայ յոբելեանի տարուան» նուիրուած միջոցառումների շրջանակներում:
Խորհուրդը դրական գնահատական տվեց հիմնադրամի անցած տարուայ
գործունէութեանը:
Օրակարգի երկրորդ հարցը «Մէկ ազգ, մէկ մշակոյթ» ծրագրի
շրջանակներում 2010 թուականին նախատեսուած միջոցառումների քննարկումն
էր: Նշուեց, որ դրանք առանձնակի կարեւորութիւն են ստանում` հաշուի
առնելով, որ 2010 թուվականը յայտարարուած է «Մէկ ազգ, մէկ մշակոյթ»
փառատոնի տարի, որն անցկացւում է ՀՀ նախագահի բարձր հովանու ներքոյ:
Նախատեսւում է անցկացնել մի շարք համահայկական մշակոյթային
միջոցառումներ, որոնք մեկնարկելու են Հայոց ցեղասպանութեան 95-րդ
տարելիցին նուիրուած կերպարուեստի համահայկական ցուցահանդէսի
կազմակերպմամբ:
Նախատեսւում է նաեւ անցկացնել «Արուեստի փառատոն», «Հայ
կատարողական արուեստի ներկայացուցիչների համահայկական համաժողով»,
թատերախմբերի հիւրախաղեր, «Զանգվածային լրատւութեան միջոցների
ներկայացուցիչների համաժողով» եւ մի շարք այլ միջոցառումներ:
Խորհրդի անդամները հանդէս եկան նախատեսւող միջոցառումների
մասշտաբայնության եւ ֆինանսական ապահովման, նախապատրաստական
աշխատանքներին այլ գերատեսչութիւններին ներգրաւելու հետ կապուած
առաջարկութիւններով:
Ամփոփելով նիստի աշխատանքները` խորհրդի նախագահ Հրանուշ
Յակոբեանը կարեւորեց յստակ ժամանակացույց ունենալու եւ
իւրաքանչիւր ծրագրին խորհրդի անդամների թուից պատասխանատու
նշանակելու խնդիրը: Կարեւորուեց նաեւ խորհրդի բոլոր անդամներին
ծրագրերի ֆինանսական ապահովման մասին մանրամասն տեղեկատուութեան
ներկայացումը:
2010 թուականին նախատեսուած միջոցառումների ծրագրի շուրջ տեղի
ունեցաւ քննարկում, որի արդիւնքում ծրագիրն ընդունուեց որոշակի
խմագրմամբ եւ լրացումներով: