«Ամերիկայի հայկական մատենադարան եւ թանգարանը» գործելու է
հինգ շաբաթ
08-02-2010 19:33:00 | ԱՄՆ | Մշակոյթ
ԼՈՍ ԱՆՋԵԼԷՍ, 8 ՓԵՏՐՈՒԱՐԻ, ՆՈՅԵԱՆ ՏԱՊԱՆ-ՀԱՅԵՐՆ ԱՅՍՕՐ: Հայ
իրաւանց խորհրդի կազմակերպած «Ամերիկայի հայկական մատենադարան եւ
թանգարան» շրջիկ ցուցահանդէսը գործելու է հինգ շաբաթ եւ
ցուցադրելու է առաջին համաշխարհային պատերազմի մասնակից դաշնակից
բանակներում ծառայած կամ կամաւոր մասնակցութիւն ցուցաբերած հայ
զինվորների` մինչեւ օրս անյայտ լուսանկարներ, փաստաթղթեր եւ
տեղեկութիւններ:
Ինչպէս տեղեկանում ենք ՀՌԱԿ-ի մամլոյ հաղորդագրութիւնից,
յունվարի 3-ին, Կալիֆոռնիայի Փասադենա քաղաքի հանրային գրադարանի
սրահում բացուած ցուցահանդէսը մեծ հետաքրքրութիւն է առաջացրել
հայկական համայնքում: Ցուցադրվել են պաստառներ, որոնք ներկայացնում
էին հայ հերոսների կենսագրութիւններ եւ այլ տեղեկութիւններ:
Պատերազմին մասնակցած 4000 հայ մարտիկներից 1200-ը Ամերիկայից էին:
Փասադենայի ոստիկանութեան հայ տասնապետ Վազգէն Կուրտիկեանը
կարդացել է զոհուած մարտիկների անունները: Ապա ելոյթ է ունեցել
Հայաստանի գլխաւոր հիւպատոս Գրիգոր Յովհաննիսեանը, որը բարձր է
գնահատել «Ամերիկայի հայկական մատենադարան եւ թանգարանի» տնօրէն
Զաւէն Արսլանեանի կազմակերպչական ջանքերը: