Յունահայ գաղութի հոգեւոր հովիւը շնորհաւորել է գաղութի բոլոր
մայրերին` «հայապահպանման սրբազան գործին մասնակցութեան համար»
05-02-2010 19:30:00 | | Հասարակութիւն
ԹԵՍԱՂՈՆԻԿԵ, 5 ՓԵՏՐՈՒԱՐԻ, ՆՈՅԵԱՆ ՏԱՊԱՆ-ՀԱՅԵՐՆ ԱՅՍՕՐ:
Թեսաղոնիկեի Սուրբ Աստուածածին եկեղեցու Տիկնանց միութեան
նախաձեռնութեամբ` «Տ.Զաքարյան» սրահում, յունվարի 24-ին տեղի է
ունեցել աւանդական գաթայի բաշխում, հաղորդում է «Ազատ օրը»:
Արարողութեանը ներկայ են եղել յունահայ գաղութի հոգեւոր հովիւ Մասիս
վարդապետ Զոպույանը, թաղականության ատենապետ Վարդգէս Գունտաքճյանը
եւ թաղային խորհրդի անդամներ, ազգային միութիւնների
ներկայացուցիչներ: Բացման խօսքով ելոյթ է ունեցել Տիկնանց
Միութեան ատենապետուհի Վերգին Աւետիսեանը. նա շեշտել է ազգային ու
եկեղեցական տոների առթիւ հայկական հոգեւոր եւ ազգային կառոյցների
շուրջ համախմբուելու կարեւորութեան մասին: Օրուայ դասախօսը` գաղութի
հոգեւոր հովիւը, խօսել է մեծի Տանն Կիլիկիոյ կաթողիկոս Արամ Ա-ի
հայրապետական պատգամի մասին, որով 2010 թուվականը հռչակուել է «Հայ
կնոջ տարի»:
Եզրափակելով իր խօսքը` Մասիս վարդապետը շնորհաւորել է գաղութի
բոլոր մայրերին, որոնք` թէ ընտանիքում, թէ միութենական գործերում,
իրենց մասնակցութիւնն են բերում հայապահպանման սրբազան գործին:
Դասախոսությունից յետոյ տեղի է ունեցել աւանդական գաթայի
բաշխում: