Յունվարի 22-29-ին արտարժոյթի ներբանկային շուկայում գնուել է
շուրջ 52,24 մլն ԱՄՆ դոլար, վաճառուել` շուրջ 47,76 մլն ԱՄՆ դոլար
29-01-2010 17:48:00 | Հայաստան | Տնտեսութիւն
ԵՐԵՎԱՆ, 29 ՅՈՒՆՎԱՐԻ, ՆՈՅԵԱՆ ՏԱՊԱՆ: Յունվարի 22-29-ին
արտարժոյթի ներբանկային շուկայում գնուել է 52 մլն 236 հազար 690
ԱՄՆ դոլար` 376,89 դրամ 1 ԱՄՆ դոլարի դիմաց միջին փոխարժեքով,
վաճառուել 47 մլն 763 հազար 206 ԱՄՆ դոլար` 378,15 դրամ միջին
փոխարժեքով:
Ըստ Հայաստանի Կենտրոնական բանկի Հասարակայնութեան հետ կապերի
ծառայութեան հաղորդագրութեան, «ՆԱՍԴԱՔ ՕԷՄԷՔՍ ԱՐՄԷՆԻԱ» ԲԲԸ-ում
նշուած ժամանակահատուածում իրականացուել է 4 մլն 475 հազար ԱՄՆ դոլարի
առք եւ վաճառք` 377,26 դրամ 1 ԱՄՆ դոլարի դիմաց միջին փոխարժեքով:
Յունվարի 18-24-ին բանկերի կողմից դրամով տրամադրուած վարկերի
ծաւալը կազմել է 14 մլրդ դրամ, իսկ ԱՄՆ դոլարով տրամադրուած
վարկերինը`26,3 մլն ԱՄՆ դոլար: