Մայր Աթոռ Սուրբ Էջմիածնի Հրատարակչական բաժինը հրատարակել է
արժէքաւոր երկու աշխատութիւն
29-01-2010 16:00:00 | Հայաստան | Հասարակութիւն
ԷՋՄԻԱԾԻՆ, 29 ՅՈՒՆՎԱՐԻ, ՆՈՅԵԱՆ ՏԱՊԱՆ: Հայաստանի
աստուածաշնչային ընկերութեան հետ համատեղ Մայր Աթոռ Սուրբ Էջմիածնի
Հրատարակչական բաժինը հրատարակել է Աւետարանների
համաբարբառ-բառարանը (Նոր Կտակարանի յունարէն-գրաբար)` նախատեսուած
Ս. Գրքի թարգմանական եւ մեկնողական հարցերով զբաղվողների համար:
Ըստ Մայր Աթոռ Սբ. Էջմիածնի Տեղեկատուական համակարգի
հաղորդագրութեան, բառարանը պատրաստուել է Մարիաննա Ապրեսեանի
ջանքերով եւ տպագրուել Վլադիմիր Ենգիբարյանի եւ Բելլա Ժամգարյանի
մեկենասութեամբ:
«Հին Կտակարանի գրքերի մեկնութիւններ» շարքից Արմէն
Տեր-Ստեփանեանի եւ Անահիտ Մխիթարեանի աշխատասիրութեամբ լոյս է
տեսել Յովհաննէս Մուշի որդու (ԺԲ դ.) «Մեկնութիւն Եսայեայ»-ի
բնագիրը: Քաղվածո այս մեկնութիւնը կազմուած է Հովհան Ոսկեբերանի եւ
Եփրեմ Ասորու մեկնությունների հիման վրայ: Ոսկեբերանի նույնանուն
մեկնության յունարէն բնագիրը մեզ չի հասել եւ Յովհաննէս Մուշի
որդու մեկնութիւնը մեծ նշանակութիւն ունի Ոսկեբերանի մեկնության
բնագրի վերականգնման համար: Բնագիրը տպագրուել է «Սարգիս
Գաբրիէլեան» հիմնադրամի մեկենասութեամբ:
ԴԱՍ. ՀԱՅԵՐԵՆ 
Հայերեն
Русский
English
French