ԵՐԵՎԱՆ, 27 ՅՈՒՆՎԱՐԻ, ՆՈՅԵԱՆ ՏԱՊԱՆ: Յունվարի 29-ին տեղի կունենայ Հայաստանի սփիւռքի նախարարին կից ատեանի այս տարուայ առաջին նիստը: Ըստ ՀՀ Սփիւռքի նախարարութեան Մամուլի եւ հասարակայնութեան հետ կապերի վարչութեան հաղորդագրութեան, նիստի օրակարգում են «Արմէնիա» առագաստանաւի գիտարշաւի 1-ին փուլի արդիւնքների մասին, Մայրենի լեզուի ծրագրի, Սփիւռքի վերաբերեալ նախատեսւող գիտահետազօտական թեմաների, «Արի տուն» 2010թ.-ի ծրագիրը հաստատելու մասին» ՀՀ կառավարութեան որոշման նախագծի, ատեանի 2009թ.-ի որոշումների եւ հանձնարարականների կատարման նախագծի մասին հարցերը:

---