Հայաստանի ԿԳՆ-ն յայտարարում է մրցոյթներ միջպետական
համաձայնագրերի շրջանակում
22-01-2010 13:50:00 | Հայաստան | Հասարակութիւն
ԵՐԵՎԱՆ, 22 ՅՈՒՆՎԱՐԻ, ՆՈՅԵԱՆ ՏԱՊԱՆ: Հայաստանի Հանրապետութեան
կրթութեան եւ գիտութեան նախարարութիւնը միջպետական համաձայնագրերի
շրջանակում յայտարարում է մրցոյթներ 2010-2011 ուսումնական տարում
օտարերկրեայ բարձրագոյն ուսումնական հաստատութիւններում
կրթութիւն ստանալու համար:
- Չինաստանի Ժողովրդական Հանրապետութեան բարձրագոյն
ուսումնական հաստատութիւններում կրթութիւն ստանալու 6 լրիւ
կրթաթոշակ:
- Բուլղարիայի Հանրապետութեան բարձրագոյն ուսումնական
հաստատութիւններում բուհական կրթութեան 4 կրթաթոշակ:
- Ռումինիայի բարձրագոյն ուսումնական հաստատութիւններում
բուհական կրթութեան 5 եւ յետբուհական` 3 կրթաթոշակ:
Մրցոյթների պայմաններին եւ անհրաժեշտ փաստաթղթերի ցանկին
կարելի է ծանօթանալ ՀՀ ԿԳՆ-ի պաշտօնական կայքում/www.edu.am/, իսկ
հաւելեալ տեղեկութիւնների համար դիմել նախարարութեան միջազգային
համագործակցութեան եւ սփիւռքի վարչութիւն (ք.Երեւան
Կառավարութեան 3 շէնք,VI-րդ հարկ, 619 սենեակ, հեռ. 56-23-64)