ՊԱՂԵՍՏԻՆՑԻ ԶԻՆՅԱԼՆԵՐԸ 20 ՀՐԹԻՌ ԵՆ ԱՐՁԱԿԵԼ ԻՍՐԱՅԵԼԻ
ՈՒՂՂՈՒԹԵԱՄԲ
05-11-2008 15:43:00 | | Միջազգային
ԳԱԶԱ, 5 ՆՈՅԵՄԲԵՐԻ, ՆՈՅԵԱՆ ՏԱՊԱՆ: Գազայի հատուածից պաղեստինցի
զինյալները նոյեմբերի 5-ի առաւօտեան 20-ից աւելի հրթիռ են արձակել
Իսրայելի հարաւի ուղղութեամբ` ի պատասխան Գազայում իրականացուած
ռազմական գործողութեան: Այս մասին, ինչպէս հաղորդում է «Նովոստի»
գործակալութիւնը, յայտնել է Իսրայելի պաշտպանութեան բանակի մամլոյ
ծառայութեան աշխատակիցը: Զոհերի եւ աւերածութիւնների մասին որեւէ
տեղեկություն չի հաղորդւում:
Գիշերը իսրայելական բանակը առաջին անգամ հրադադարի ընթացքում
մտել է Գազայի հատուած այն թունելը ոչնչացնելու համար, որը, ինչպէս
կարծում են իսրայելցիները, կարող է օգտագործուել մասշտաբային
դիվերսիայի կազմակերպման դէպքում: Փոխհրաձգության եւ օդուժի
հասցրած հարուածի հետեւանքով զոհուել են պաղեստինցի հինգ
գրոհայիններ:
Իսրայելական կողմից վիրաւորուել է երեք զինվոր: Ներկայ
դրութեամբ գործողութիւնն աւարտուած է: Զինվորականները յայտարարում
են, որ այն «կէտային» բնոյթ է ունեցել եւ ուղղուած չի եղել
հրադադարի տապալմանը: