ԴԱՄԱՍԿՈՍ, 28 ՀՈԿՏԵՄԲԵՐԻ, ՆՈՅԵԱՆ ՏԱՊԱՆ: Սիրիայի արտաքին
գործերի նախարար Վալիդ Մուալլիմը յայտարարել է, որ իր երկիրը ԱՄՆ-ի
կողմից ենթարկուել է «ահաբեկչական յարձակման»: Նախարարի այս կտրական
յայտարարութեյան համար առիթ է դարձել երկրի արեւելքում` իրաքեան
սահմանից ոչ հեռու, տեղի ունեցած միջադէպը:
Ինչպէս կիրակի հաղորդել են Սիրիայի պետական ԶԼՄ-ները,
ամերիկեան զորքերը պետութեան տարածքում յատուկ գործողութիւն են
իրականացրել, որի հետեւանքով ութ խաղաղ բնակիչներ զոհուել են եւ
11-ը վիրաւորուել: Զոհվածների թւում կան երեք երեխաներ:
Ըստ ԱՄՆ-ի ներկայացուցիչների, Սիրիայի տարածքում ամերիկեան
զինծառայողների օպերացիայի թիրախը եղել է «Ալ Ղաիդայի» անդամը, որն
զբաղւում էր արտասահմանեան գրոհայինների Իրաք փոխադրմամբ: