ԲԵՌԼԻՆ, 22 ՀՈԿՏԵՄԲԵՐԻ, ՆՈՅԵԱՆ ՏԱՊԱՆ: Գերմանիայի Հանովեր
քաղաքի մօտակայ Բեննիգսենի կալվածքից գողացուել է 3 միլիոն եւրօ
արժողութեամբ Ստրադիվարիուսի ջութակը: Գործիքը պահւում էր երաժիշտ
եւ ջութակահար Ռոդերիկ ֆոն Բեննիգսենի տոհմական ամրոցում:
Ըստ ոստիկանութեան տուեալների, ջութակը գողացուել է դեռ ուրբաթ
օրը, չնայած այն բանին, որ ամրոցը շրջապատուած է պարսպով եւ ջրով
լցուած բերդախրամով: Գողերը տարել են նաեւ մի ջութակ եւս, տոհմական
շքանշաններ, նկար եւ արծաթէ մոմակալներ: