ՄԱԴՐԻԴ, 22 ՀՈԿՏԵՄԲԵՐԻ, ՆՈՅԵԱՆ ՏԱՊԱՆ: Իսպանիան չի պաշտպանում
Կոսովոյի օտարումը Սերբիայից եւ դա համարում միջազգային իրաւունքի
խախտում: Այս մասին, ինչպէս հաղորդում է ԻՏԱՌ-ՏԱՍՍ-ը, յայտարարել է
Իսպանիայի ԱԳՆ արտաքին գործերի գծով պետքարտուղար Անխել Լոսադան:
Դիվանագէտն ընդգծել է, որ Իսպանիայի դիրքորոշումը Կոսովոյի
առնչութեամբ կախուած չէ այն երկրների թուից, որ յայտարարել են նրա
անկախութեան ճանաչման մասին:
Լոսադան յիշեցրել է, որ առայժմ ՄԱԿ-ի 199 անդամներից միայն 51
երկիր է ճանաչել Կոսովոն: «Դա վկայում է, որ մենք ամէնեւին մէնակ
չենք մեր որոշման մէջ»,- յայտարարել է դիւանագէտը` աւելացնելով, որ
սերբական երկրամասի կարգավիճակը պէտք է լուծուի ՄԱԿ-ի Անվտանգութեան
խորհրդում: