ՎԱՇԻՆԳՏՈՆ, 15 ՀՈԿՏԵՄԲԵՐԻ, ՆՈՅԵԱՆ ՏԱՊԱՆ: ԱՄՆ-ի նախագահ Ջորջ Բուշը ստորագրել է 2009 թուականին ռազմական կարիքների համար 612 մլրդ դոլարի չափով ծախսերի մասին օրէնքը: Օրէնքը, մասնաւորապէս, արտօնում է Պետագոնին յատկացնել մօտ 165 մլն դոլար Ռուսաստանին օգնութիւն ցուցաբերելու համար նրա ստրատեգիական յարձակողական սպառազինութիւնների ապամոնտաժման, քիմիական զէնքի ոչնչացման, միջուկային զէնքի յուսալի պահպանման ու նրա անվտանգ փոխադրման ապահովման գործում: Նախատեսւում է նաեւ մօտ 70 մլրդ դոլար հատկացուի Իրաքում եւ Աֆղանստանում ռազմական գործողութիւնների շարունակման համար:

---