ԱՒՏՈՎԹԱՐԻ ՀԵՏԵՒԱՆՔՈՎ ՀՆԴԿԱՍՏԱՆՈՒՄ 23 ՄԱՐԴ Է ԶՈՀՈՒԵԼ
14-10-2008 18:37:00 | | Միջազգային
ԴԵԼԻ, 14 ՀՈԿՏԵՄԲԵՐԻ, ՆՈՅԵԱՆ ՏԱՊԱՆ: Հնդկաստանի
հիւսիս-արեւելքում երեքշաբթի տեղի ունեցած աւտոաղէտի հետեւանքով
զոհուել է 23 եւ վիրաւորուել 40 մարդ: Զոհվածների թւում են վեց երեխայ
եւ հինգ կին, հաղորդում է IANS-ը:
Ըստ տեղի ոստիկանութեան պետի, աւտոբուսը, որ տեղափոխում էր 67
մարդու, մեծ արագութեամբ հարուածել է աւտոմայրուղու ճամփեզրին
կանգնած կարտոֆիլով բեռնուած բեռնատարին: Ոստիկանութեան
ներկայացուցիչը նշել է, որ աւտոբուսը, որ նախատեսուած է 35 ուղեւորի
համար, գրեթէ կրկնակի գերբեռնուած է եղել: