ՀԱՅԱՍՏԱՆՈՒՄ ԱՌԿԱՅ ԵՆ ԱՆՀՐԱԺԵՇՏ ՌԵՍՈՒՐՍՆԵՐԸ ԱՐԵՎԱՅԻՆ ՋԵՐՄԱՅԻՆ
ԷՆԵՐԳԵՏԻԿԱՅԻ ԶԱՐԳԱՑՄԱՆ ՀԱՄԱՐ
18-09-2008 16:15:00 | Հայաստան | Տնտեսութիւն
ԵՐԵՎԱՆ, 18 ՍԵՊՏԵՄԲԵՐԻ, ՆՈՅԵԱՆ ՏԱՊԱՆ: 2006թ.-ից իրականացyող
«Վերականգնուող էներգիայի աղբիւրներ` արեւային ջերմային
էներգետիկայի զարգացումը եւ կիրառությունը Հայաստանում» ծրագրի
շրջանակներում արեւային էներգետիկ տեղակայանքներ են տեղադրուել
Երեւանի Նարկոլօգիական հիւանդանոցում եւ Միջազգային
վերականգնողական կենտրոնում: Ծրագիրը իրականացրել է Յունաստանի
Վերականգնուող էներգիայի աղբիւրների կենտրոնը (CRES)` Հայաստանի
Էներգետիկայի գիտահետազօտական ինստիտուտի հետ համատեղ: Այն
ֆինանսավորել է Յունաստանի միջազգային համագործակցութեան զարգացման
դեպարտամենտը (Hellenic Aid):
Ինչպէս սեպտեմբերի 18-ին` ծրագրի արդիւնքների ներկայացման
ժամանակ, նշեց ինստիտուտի գլխաւոր տնօրէն Լեւոն Եղիազարյանը, այս
ոլորտի զարգացման համար Հայաստանում առկայ են եւ գիտական
ռեսուրսներ, եւ արեւափայլի մեծ տեւողություն: Ըստ նրա, տարէցտարի
թանկանում է ածխաջրածնային վառելիքը, ուստի այլընտրանքային
էներգետիկայի զարգացումը աւելի ձեռնտու է: Լ.Եղիազարյանի խօսքերով,
նման կայանքների գործարկման համար ներդրումների վերադարձի ժամկէտը
7-10 տարի է: Իսկ արեւային ջերմային համակարգերի տեխնոլոգիայի
յուսալիութիւնը եւ բաղադրամասերի երկարակեցությունը հաստատուել են
տարիների ընթացքում:
Նշուեց նաեւ, որ իրականացնելով արեւային էներգետիկայի
կայանքների տեղադրման երկու պիլոտային նախագծեր, Յունաստանի
միջազգային համագործակցութեան զարգացման դեպարտամենտը նպատակ ունի
Հայաստանում զարգացնել նոր` արեւային էներգիայի, շուկայի
ձեւաւորումը եւ ամրապնդել համագործակցութիւնը վերականգնուող
էներգիայի աղբիւրների եւ էներգախնայողության ոլորտում: